NAPE ATENGUA PINGAMIZI LA MADIWANI WA CCM WALIOFUKUZWA BUKUBA

TAARIFA KWA VYOMBO VYA HABARI

Halmashauri Kuu ya CCM Mkoa wa Kagera jana tarehe 13/08/2013 katika kikao chake cha siku moja kilichofanyika mjini Bukoba imetangaza uamuzi wake wa kuwafutia dhamana ya CCM hivyo kuwavua Udiwani Madiwani wanane wa Manispaa ya Bukoba waliotokana na CCM.

Kwa mujibu wa utaratibu wa kutoa adhabu kwa viongozi wa CCM walio kwenye vyombo vya dola hasa Wabunge na Madiwani uamuzi wa Halmashauri Kuu ya Mkoa sio wa mwisho.  Uamuzi huo unapaswa kupata Baraka za Kamati Kuu ya Halmashauri Kuu ya Taifa ndipo utekelezwe.

Hivyo basi, mpaka sasa Madiwani hao wanane waliosimamishwa wanapaswa kuendelea na kazi zao kama kawaida wakisubiri kikao cha Kamati Kuu ya Halmashauri Kuu ya Taifa kitakachoketi tarehe 23 Agosti, 2013 mjini Dodoma ambacho pamoja na mambo mengine kitapitia uamuzi huo wa Halmashauri Kuu ya Mkoa wa Kagera.

Pamoja na hilo, tumepokea barua za Madiwani hao za kukata rufaa kupinga uamuzi huo wa Halmashauri Kuu ya Mkoa kwa msingi wa madai ya kukiukwa kwa utaratibu katika kufikia uamuzi huo.

Tunawasihi wananchi wa Bukoba na Kata husika, wanachama na viongozi wote kuwa watulivu katika kipindi hiki ambapo suala hili linashughulikiwa na vikao vya Kitaifa.

Imetolewa na:-

  

Nape M. Nnauye,

KATIBU WA HALMASHAURI KUU YA TAIFA

ITIKADI NA UENEZI

14/08/2013

HOTUBA YA RAIS KIKWETE YA MAJUMUISHO YA ZIARA YA MKOA WA KAGERA MWISHONI MWA JULAI 2013

KAMATI KUU YA CCM KUAMUA HATMA YA MADIWANI BUKOBA

Halmashauri Kuu ya CCM Mkoa wa Kagera jana tarehe 13/08/2013 katika kikao chake cha siku moja kilichofanyika mjini Bukoba imetangaza uamuzi wake wa kuwafutia dhamana ya CCM hivyo kuwavua Udiwani Madiwani wanane wa Manispaa ya Bukoba waliotokana na CCM.

Kwa mujibu wa utaratibu wa kutoa adhabu kwa viongozi wa CCM walio kwenye vyombo vya dola hasa Wabunge na Madiwani uamuzi wa Halmashauri Kuu ya Mkoa sio wa mwisho. Uamuzi huo unapaswa kupata Baraka za Kamati Kuu ya Halmashauri Kuu ya Taifa ndipo utekelezwe.

Hivyo basi, mpaka sasa Madiwani hao wanane waliosimamishwa wanapaswa kuendelea na kazi zao kama kawaida wakisubiri kikao cha Kamati Kuu ya Halmashauri Kuu ya Taifa kitakachoketi tarehe 23 Agosti, 2013 mjini Dodoma ambacho pamoja na mambo mengine kitapitia uamuzi huo wa Halmashauri Kuu ya Mkoa wa Kagera.

Pamoja na hilo, tumepokea barua za Madiwani hao za kukata rufaa kupinga uamuzi huo wa Halmashauri Kuu ya Mkoa kwa msingi wa madai ya kukiukwa kwa utaratibu katika kufikia uamuzi huo.

Tunawasihi wananchi wa Bukoba na Kata husika, wanachama na viongozi wote kuwa watulivu katika kipindi hiki ambapo suala hili linashughulikiwa na vikao vya Kitaifa.

Imetolewa na:-

Nape M. Nnauye,

KATIBU WA HALMASHAURI KUU YA TAIFA

ITIKADI NA UENEZI

14/08/2013

VYAMA VYA USHIRIKA B'MULO VYAKOSA WAHASIBU WENYE TAALUMA

VYAMA vya ushirika vya kuweka na kukopa katika Halmashauri ya wilaya ya Biharamulo mkoani Kagera vyadaiwa kushindwa kujiendesha inavyotakiwa kutokana na kukosa wahasibu waliosomea taaluma hiyo.

Ofisa ushirika wa Halmashauri ya wilaya ya Biharamaulo,Mary Kahesi alisema hali hiyo imesababisha vyama hivyo kushindwa kurejesha mikopo ya wanachama na hivyo kukabiliwa na uhaba wa fedha za kuendesha mafunzo kwa wanachama wake.

Kahesi,amesema hayo baada ya kutakiwa na kaimu mkurugenzi wa halmashauri hiyo Bw.Zabron Njanga kutoa maelezo kuhusiana na kuwepo kwa baadhi ya vyama vya ushirika vya vijana kushindwa kurejesha mikopo yake kwa wakati na kupoteza mwelekeo wa mpango  wa kuanzishwa kwake.

Hatua hiyo ya mkurugenzi ilikuja kufuatia baadhi ya madiwani kwenye kikao chao cha baraza kilichofanyika jana(J'tano)kutaka kupewa mpango mkakati wa kuboresha vyama hivyo hasa kwa upande wa makundi ya vijana na akina mama.

Diwani wa kata ya Bisibo Bw.Joseph Kayamba(chadema),alisema pamoja na kuwepo kwa vijana wengi kujiunga kwenye vyama vya ushirika baadhi yao wanakosa mikopo na hivyo vyama hivyo kusambaratika kutokana na kutokuwa na elimu ya ujasiriamali.

Katika taarifa ya utendaji wa kazi na uwajibikaji wa halmashauri hiyo katika kipindi cha kaunzia julai 2012 hadi juni 2013 iliyowasilishwa na ofisa uchumi,Abdalah Mvungi kwenye kikao hicho kuonyesha uhaba wa fedha na wananchi kukosa ubunifu wa kuunganisha shughuli zao ili kuunda vyama vya ushirika.

Biharamulo kujenga madaraja matatu

HALMASHAURI ya wilaya Biharamulo mkoani Kagera imekusudia kujenga madaraja kwenye mito mitatu katika kata ya Rusahunga ambayo imekuwa kero kubwa hasa kwenye kipindi cha mvua ambapo baadhi ya watoto wa shule hushindwa kuhudhuria masomo yao pindi mito hiyo inapojaa maji.

Mkurugenzi wa Halmashauri hiyo, Nassib Mmbagga amesema hayo jana kwenye kikao cha kawaida cha baraza la madiwani cha kujadili taarifa ya robo mwaka ya utekelezaji wa miradi ya maendeleo.

Akijibu swali la diwani wa kata ya Rusahunga, Amoni Mizengo aliyetaka kupata ufafanuzi wa mkakati wa halmashuri wa kujenga madaraja kwenye mito hiyo,Mmbagga amesema utekelezaji wa miradi hiyo utaaanza ndani ya siku 14 zijazo.

 Amefafanua kuwa Ili kuhakikisha miradi hiyo inakamilika kabla ya kipindi cha mvua kubwa kuanza mkurugenzi huyo amewaagiza wataalamu wa idara ya ujenzi kufika katika maeneo ya mito hiyo kwa muda wa siku 14 ili ujenzi huo ukamilike kama ulivyokusudiwa.

Mito inayodaiwa kuwa tishio kwa wakazi wa kata hiyo ambayo inakusudiwa kujengwa ni Nyamagala kwenda Nyarusenge,Nyakasenga kwenda shule ya msingi ya kijiji hicho na Nyambare kwenda Mwasu.

Awali Akizungumzia hali hiyo Diwani wa kata hiyo Mizengo(Chadema)amesema tatizo hilo hujitokeza kila mwaka kwenye kipindi cha masika kutokana na maeneo hayo kukosa madaraja baada ya barabara kukatika.

Madiwani wailalamikiwa barabara iliyozinduliwa na Rais Kikwete

BARABARA iliyozinduliwa hivi karibuni na Rais Jakaya Kikwete katika Wilaya ya Biharamulo mkoani Kagera imelalamikiwa na madiwani wa halmashauri hiyo kufuatia baadhi ya barabara zinazoingia katika taasisi za huduma za jamii kuharibiwa na kampuni ya Chico inayotengeneza barabara hiyo kwa kiwango cha Lami.

Madiwani Wamesema hayo katika kikao kilichofanyika leo(Jumanne) kufuatia barabara hizo kuharibiwa na hali ambayo imesbabisha wananchi wa maeneo hayo kulazimika kutembea umbali mrefu kwenda kwenye huduma za kijamii badala ya kutumia vyombo vya usafiri yakiwemo magari,na pikipiki.

Mmoja wa madiwani hao Diwani wa kata ya Rusahunga,Amon Mizengo akichangia hoja hiyo kwenye baraza la madiwani la kujadili taarifa za robo mwaka amesema hali hiyo imesababisha magari yanayopeleka huduma za kijamii kushindwa kuingia na mbaya zaidi kunapotokea mgonjwa inakuwa vigumu kumwahisha kwenye huduma ya matibabu.

Taasisi zilizoadhirika na uharibifu wa barabara hizo ni makao makuu ya tarafa,kata na kijiji cha Rusahunga ambako kuna Zahanati shule ya msingi Nyambale,Shule ya sekondari Rusahunga,tatizo ambalo limekuwepo tangu mwanzoni mwa mwaka huu.

Hoja hiyo ilikuja kufuatia majibu yaliyotolewa na mkurungezi wa halmashauri hiyo,Nassib Mmbagga kwamba ukarabati wa barabara hizo umeanza kutekelezwa ambapo kampuni ya Chico imeanza kuzingatia agizo la madiwani lililowahi kufikishwa pia kwenye kikao cha bodi ya barabara Taroad mkoani hapa.

Julai 26 mwaka huu rais Kikwete alizindua barabara hiyo yenye urefu wa kilomita 154 inayotekelezwa na Kampuni ya Chico ambapo ambapo toka ujenzi huo uanze baadhi ya barabara zinazoelekea sehemu zingine ziriharibiwa hali ambayo imeleta usumbufu mkubwa kwa wananchi.

Serikali yaahidi kukamilisha mradi wa umeme Chato

SERIKALI kupitia wizara ya Nishati na Madini imeahidi kumaliza kero ya mgao wa umeme inayowakabili wakazi wa wilaya ya Chato mkoani Geita hali ambayo imechangia kuzorota kwa uzalishaji mali katika maeneo hayo.

Kauli hiyo ya serikali imetolewa na waziri wa Nishati na Madini Prof,Sospeter Muhongo baada ya kuahidi kufunga mashine mpya ya kufua umeme kwenye wilaya hiyo ili kuepuka adha ya mgao wa umeme unaotokana na mashine zilizoko wilaya jirani ya Biharamulo.

Prof Muhongo amesema hayo jana(JUMATATU) kwenye mkutano wa hadhara muda mfupi baada ya ombi lililotolewa na Mbunge wa jimbo la Chato,Dk John Magufuli kutokana na adha kubwa ya kukatika kwa umeme mara kwa mara hali inayodaiwa kukwamisha ukuaji wa uchumi.

Amesema serikali imekubali kutoa mashine moja kubwa itakayozalisha umeme katika wilaya hiyo na kwamba itafungwa katika wilaya hiyo badala ya kuendelea kutumia mshine zilizoko wilaya ya Biharamulo mkoani Kagera.

Amesema mashine zinazotumika kufua umeme katika wilaya ya Biharamulo na Chato ni chakavu ambazo wakati zinafungwa zilikuwa tayari zimeshatumika sehemu nyingine hapa nchini.

WIVU NI NOMA: MWANAUME AKATWA ULIMI NA MKEWE-NGARA

Bw.Anord Nyabenda akionesha Ulimi wake namna ulivyokatwa kwa meno na mkewe. Imeelezwa kuwa chanzo ni wivu wa kimapenzi kati yake na mkewe. Hadi sasa mwanamke hajafika Hospitalini alikolazwa kwa matibabu ili kujulia hali mwenzake.

RAIS KIKWETE AKIWA WILAYANI MULEBA

Wananchi wa Muleba wakimshangilia Rais Jakaya Mrisho Kikwete alipowasili wilayani humo akiwa katika ziara yake ya siku sita Mkoani Kagera

Rais Kikwete akivikwa skafu na skauti baada ya kuwasili Muleba

Vikundi vya ngoma vikitumbuiza wageni

PICHA NA IKULU

ZIARA YA RAIS JAKAYA KIKWETE IKIWA INAENDELEA MKOANI KAGERA.

Rais Jakaya Kikwete akikata utepe kuzindua rasmi ujenzi wa barabara ya Kagoma-Lusahunga katika wilayani Biharamulo. 

Rais Kikwete akipiga picha ya kumbukumbu na wananchi wa Ngara baada ya kuzindua kivuko cha MV Ruvuvu katika mto Rusumo  Rais Kikwete akishiriki kupiga ngoma na kikundi cha utamaduni cha Ngara wakati wa uzinduzi wa kivuko cha MV Ruvuvu katika mto Rusumo wilayani Ngara 

Rais Kikwete akisimikwa kuwa chifu wa Wahaya na kukakabidhiwa mgolole na silaha za jadi za Wahaya katika sherehe ya kuzindua wilaya mpya ya KyerwaRais Kikwete akisimikwa kuwa chifu wa Wahaya na kukakabidhiwa mgolole na silaha za jadi za Wahaya katika sherehe ya kuzindua wilaya mpya ya Kyerwa.Wananchi wakimshangilia Rais Kikwete aliposimama kwa muda kuwasslimia wilayani Karagwe akielekea Rusumo kuzindua kivuko cha Ruvuvu Wananchi wakimshangilia Rais Kikwete aliposimama kwa muda kuwasslimia wilayani Karagwe akielekea Rusumo kuzindua kivuko cha Ruvuvu Wananchi wakimshangilia Rais Kikwete baada ya kuzindua kivuko cha MV Ruvuvu jana Jumamosi Wananchi wakimshangilia Rais Kikwete baada ya kuzindua kivuko cha MV Ruvuvu  Kivuko cha zamani kilichokuwa kikitumiwa na wananchi wa Ngara kuvuka mto Rusumo Kivuko kipya cha MV Ruvuvu katika mto Rusumo kilichozinduliwa na Rais Kikwete Rais Kikwete akiongea na wananchi katika sherehe ya kuzindua mradi wa umeme vijijini katika kijiji cha Nyaishozi, Wilaya ya Karagwe Rais Jakaya Kikwete yuko mkoani Kagera kwa ziara ya kikazi ya siku nane.Umati uliojitokeza katika sherehe za uzinduzi wa wilaya mpya ya Kyerwa Umati uliojitokeza katika sherehe za uzinduzi wa wilaya mpya ya KyerwaUmati uliojitokeza katika sherehe za uzinduzi wa wilaya mpya ya Kyerwa .

(PICHA NA IKULU).

RAIS KIKWETE AFUNGUA JENGO LA MAHAKAMA KUU KANDA YA BUKOBA

 Rais Jakaya Mrisho Kikwete akifungua pazia kuzindua rasmi jengo la Mahakama Kuu Kanda ya Bukoba leo Julai 25, 2013

 Rais Jakaya Mrisho Kikwete akikata utepe kuzindua rasmi jengo la Mahakama Kuu Kanda ya Bukoba leo Julai 25, 2013. Aliyeshika utepe ni Jaji Mkuu, Othman Chande

 Rais Kikwete akiwa katika moja ya vyumba vya mahakama hiyo

 Rais Kikwete akifuatana na Jaji Mkuu wakati akikagua jengo la mahakama hiyo

 Jaji Mkuu Othman Chande akimpa maelezo Rais Kikwete wakati wakiwa kwenye jengo la mahakama hiyo.

 Rais Jakaya Kikwete na Jaji Mkuu wakiwa katika picha ya pamoja na viongozi wengine wa mahakama waliohudhuria uzinduzi wa jengo hilo la mahakama. 

Picha na Ikulu

RAIS DR. JAKAYA MRISHO KIKWETE AONGOZA MAADHIMISHO YA KUMBUKUMBU YA MASHUJAA KATIKA KAMBI YA KABOYA BUKOBA MKOANI KAGERA LEO.

 Rais Jakaya Mrisho Kikwete akiweka ngao/sime katika mnara wakati wa maadhimisho ya kumbukumbu ya Mashujaa katika kambi ya jeshi ya Kaboya, Bukoba, mkoani Kagera leo Julai 25, 2013.

 Viongozi wa dini wakisoma dua kwenye maadhimisho hayo. Pembeni ni Rais wa Zanzibar na Mwenyekiti wa Baraza la Mapinduzi Dkt Mohamed Ali Shein, Makamu wa Rais Dkt Mohamed Gharib Bilali, Jaji Mkuu Mheshimiwa Chande Othman na Jaji Mkuu wa Zanzibar Mhe Othman Makungu.

 Rais Jakaya Kikwete akitembelea makaburi ya mashujaa waliopoteza maisha wakati wa vita na Nduli Iddi Amini wa Uganda.

 Rais Jakaya Mrisho Kikwete akisalimiana na Wazee ambao ni sehemu ya mashujaa wetu walio hai waliohudhuria maadhimisho ya kumbukumbu ya Mashujaa katika kambi ya jeshi ya Kaboya, Bukoba, mkoani Kagera leo Julai 25, 2013.

MAKAMU WA RAIS DKT. BILAL AFUTURU NA WAKAZI WA KAGERA WILAYA YA MISENYI JANA.

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na baadhi ya wananchi wa Mkoa wa Kagera, baada ya kufuturu nao futari ya pamoja aliyoiandaa katika Kiwanda cha Kagera Sugar, jana Julai 24, 2013. Kulia ni Mkuu wa Wilaya ya Misenyi, Kanali Mstaafu, Issa Njiku (kushoto) ni Mmiliki wa Kiwanda cha Kagera Sugar, Nassor Seif.

  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na Mkurugenzi wa Kiwanda cha Kagera Sugar, Hashim Ranner, baada ya kumalizika kwa hafla ya Futari ya pamoja na wananchi wa Mkoa wa kagera iliyofanyika katika Kiwanda cha Kagera Sugar Wilaya ya Misenyi jana Julai, 24, 2013. Katikati ni Mmiliki wa Kiwanda hicho, Nassor Seif.

  Makamu wa Rais wa Jamhuri ya Muungano wa Tanzania, Dkk. Mohammed Gharib Bilal, akiagana na baadhi ya wananchi alioshiriki nao Futari ya pamoja katika Kiwanda cha Kagera Sugar Wilaya ya Misenyi Mkoa wa Kagera, baada ya kumalizika kwa hafla hiyo jana Julai 24, 2013

 Baadhi ya wananchi waumini wa dini ya Kiislamu waliohudhuria hafla ya futari ya pamoja, wakimsikiliza Makamu wa Rais Dkt. Bilal, wakati akizungumza nao jana Julai, 24, 2013. 

Picha na Ofisi ya Makamu wa Rais

UNIC YAHAMASISHA VIJANA WILAYANI KARAGWE KUJIUNGA KATIKA VILABU VYA UMOJA WA MATAIFA

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akizungumza na Mkuu wa Shule ya Sekondari Ndama ya Wilayani Karagwe Mwl. Emmanuel Muganyizi kuhusiana na umuhimu wa wanfunzi wa shule yake kuanzisha Vilabu vya Umoja wa Mataifa na faida zake.

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akizungumza na walimu wa shule ya Sekondari Ndama na kuwapa hamasa ya kuwa walezi wazuri wa vilabu hivyo vitavyoanzishwa shuleni hapo ikiwa ni kama somo la ziada kwa wanafunzi wao ili wasipate muda wa kushiriki matendo ya ajabu na yasiyo na maadili.

Usia Nkhoma Ledama akiongozwa na Mwalimu Mkuu wa Shule ya Sekondari Ndama ya wilayani Karagwe kuelekea madarasani kuzungumza na wanafunzi wa shule hiyo.

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akizungumza na vijana wa shule za sekondari Ndama wilayani Karagwe mkoani Kagera, kuwaelezea umuhimu wa kujiunga na vilabu vya Umoja wa Mataifa (UN Club) vinavyoanzishwa mashuleni kwa kuwa kwanza vitawasaidia kujitambua.

Amewaambia kwa vijana kama wao ambao tayari wameanzisha na kuendesha vilabu hivyo mashuleni kujiunga kwa wingi zaidi na kutawawezesha kujifunza shughuli za umoja wa mataifa duniani, kuhusishwa na mashirika mengine ya kimataifa, kushiriki katika mafunzo mbalimbali, warsha na mikutano ndani na nje ya nchi kama vile National Model UN, the Eastern Africa Model UN, the Africa Regional Model UN na mengineyo, ikiwemo kupata nafasi ya kuisaidia jamii zao kupitia program mbalimbali.

Bi. Usia pia amewafafanulia vijana kuwa katika klabu hizo wataweza kuwa na mtandao na vijana wengine kitaifa na kimataifa, kupata nafasi ya kufanya kazi za kujitolea.

Baadhi ya wanafunzi wa shule ya Sekondari Ndama wakimsikiliza kwa makini Afisa Habari wa Kitengo cha Habari cha Umoja wa Mataifa nchini (UNIC) Usia Nkhoma Ledama (hayupo pichani).

Usia Nkhoma Ledama katika picha ya pamoja na wanafunzi wa Shule ya Sekondari Ndama pamoja na Mkurugenzi wa Radio Jamii FADECO ya wilayani Karagwe Bw, Joseph Sekiku (kushoto).

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akijitambulisha kwa baadhi ya walimu wa Shule ya Sekondari Kayanga ya Wilayani Karagwe Mkoani Kagera. Kushoto mwenye suti ni Mwalimu Mkuu wa Shule hiyo Johnbosco Paul.

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akikagua Maktaba ya Shule ya Sekondari Kayanga. Kulia ni Mwl. Mkuu wa Shule ya Kayanga Johnbosco Paul.

Afisa Habari wa Kitengo cha Habari cha Umoja wa Mataifa (UNIC) Usia Nkhoma Ledama akizungumza na wazazi wa watoto wanaosoma katika shule ya sekondari ya Kayanga amewaelezea kuwa pindi watoto wao wanapojiunga na klabu za Umoja wa mataifa zilizopo mashuleni watapata elimu na uzoefu utakaotengeza thamani ya CV zao na kuzipa uzito zaidi na pia watapata ufahamu wa mambo mengi utakao wasaidia wasijiunge na vikundi visivyofaa wala kushiriki matendo ya ajabu na yasiyo na maadili.

Amewaambia wazazi hao ndani ya klabu hizo hutokea kupata tarajali, uzoefu wa kazi, na kwamba kwa kupitia klabu hizo vijana wote shule zilizopo mikoa yote ya Tanzania watakuwa na nafasi ya kuwa karibu na taratibu na kanuni za Umoja wa Mataifa.

Baadhi ya wanafunzi wa shule ya sekondari Kayanga ya Wilayani Karagwe mkoani Kagera wakiwa mapumzikoni kuelekea kupata uji.

Picha na maelezo kwa hisani ya fullshangweblog.com